Chuukese
PIHA ~ Sia nomw ikei fan itomw!
Ren ew prokram a feer fan itan ekkewe tineich, sia weweiti ekkewe sokkun weires kopwe churi ikenai. Omw kopwe emon serafe ika onuwon ika fopwun ese mecheres—fiti etipetip seni chiechiom, siwinin inis me ach ekiek mi och a pwan ngaw. Nge, ikenai, a fen kon weiresino ren ei COVID-10 me memeefin aurek ika imwuno. Sia mochen kopwe sinei pwe am mi tongeni aninis.
Pechokunen Ririin Nefin
Chommong tineich rese tepereni me weweiti ifa usun nefin mi “pechokun ika mwurine”. Akaewin ar ra saani/tongei emon ra ekieki pwe nonowo ika nikeke ikkei esisinen tong mi ennet me nukuchar. Nge ekkei napanap fan chommong a uwei ngeni kich pechokun me nemenem ese och me esapw nennepek me ruepek. Ina epwe nepwopwutan ese wor osukosukan, nge epwe fefeino, epwe ngawono, me mwokutukun epwe mwaneson me sikesik ina epwene pwano.
A wor am pekin osukuun a kawor an epwe anisuk kopwe weweochuiti met kopwe etiwa me met kosapw etiwa non ekkei ririn nefin. Sia tongeni pwan awora mettooch mi aninisoch epwe emwenuk non omw kewe riri ngeni ekkooch. A pwopwuta won tong me sufon, me maaroch ren pwopworaus och fengen me ew riri fengen mi aninisoch ngeni me ruomon. Chechemeni, tong esapw ametek!
Tumwunu Pwisin En
Ewe watten me tong mwurine kopwe anomwu epwe fanitomw! Mi fokkun auchea kopwe tumwunochuk. Mi wor ew kapas, “Kose tongeni ninatiw seni ew kap mi peen,” wewen pwe kopwe tumwunuk omw kopwe kopwe pwan tongeni tumwunu ekkooch. Ika kopwe ekieki, mi pwung!
Tumwunu Pwisin kich a tongeni fis non fite sokkun napanap. Seni awora fansoun kpwe mour kinamwe nepwin, mwongo epwe pechokun inisum, met mi mecheres usun ekkei a tongeni anisuk omw kopwe tumwunochu pwisin en. Ika ka meefi a kon chommong osukosuk me ka mochen pworaus ngeni emon, kekkeri emon chienomw me no fetan nukun. Ka tongeni kopwe pwan makkei non noumw pwuk ika journal omw kewe memeef, ika fanafanono kopwe ekiek won (meditate) an epwe ekinamwei ngunumw.
Aninis
Ew kewe watten aninis ka tongeni angei ren aninis kopwe anisi inomw me semomw. Nge, sia sinei pwe fan ekkooch mi weires kopwe kapas ngenir won omw osukosuk. Ina fansoun emon nouch kewe advocates (chon peni/pworaus fan itomw) ra tongeni anisuk. Ka pwan tongeni pworaus ngeni emon sense, emon konsenor/sou ffen ika noumw iwe tokter. Ekkei aramas chon aninis sipwe nukur ar repwe mochen anisuk. Kosapw nuwokus omw kopwe pworaus ngenir ika ke mochen och aninis.
www.TeenLinkHawaii.org
Parents and Children Together (PACT)
(808) 847-0015
Sex Abuse Treatment Center (SATC)
(808) 535-7600
Lavender Clinic (sinenap non LGBTQ+ Tumwunun safei)
(808) 445-5392
Crisis Line of Hawaii (Oahu’s 24/7 crisis line)
1 (808) 832-3100